Ўзбекистонга тез орада илиқ кунлар қайтади. Ўзгидромет хабарига кўра, республиканинг баъзи ҳудудларида ҳаво ҳарорати -12 даражагача тушгач, ҳафта охирига келиб 15 даража илиқ бўлиши кутилмоқда, деб ёзади Sputnik.
Қорақалпоғистон ва Хоразм вилоятларида 25—27 январь кунлари кундузи 3—8 даража илиқ, кечаси 2 даража совуқ бўлиши кутилмоқда.
Бухоро вилоятида ёғингарчилик кузатилмайди. Кечаси 0 даража, кундузи эса 12—15 даража илиқ бўлиши кутилмоқда.
Тошкент, Самарқанд, Жиззах ва Сирдарё вилоятларида илиқ об-ҳаво кузатилади: кечаси 0 … -2 даража совуқ, кундузи 7—12 даража илиқ бўлади.
Қашқадарё ва Сурхондарё вилоятларида айрим жойларга туман тушади. Ҳаво ҳарорати плюс 12-17 даража кўтарилади.
Андижон, Наманган, Фарғона вилоятларида ҳаво ҳарорати кечаси 0—5 даража, кундузи 5—8 даража, баъзи жойларда 10 даража илиқ бўлиши мумкин.
Республиканинг тоғли ҳудудларида ўзгарувчан об-ҳаво кузатилади, ёғингарчилик кузатилмайди. Баъзи жойларга туман тушиши мумкин. Кечаси ҳаво ҳарорати 3—8 даража совуқ, кундузи 3—8 даража илиқ бўлиши кутилмоқда.
Изоҳ (0)