Британия Парламенти ҳукуматга ишончсизлик овозини йиға олмади

Британия Парламенти Бош вазир Тереза Мэйнинг Вазирлар Маҳкамасига ишончсизлик овозини йиға олмади. Бу ҳақда «Ведомости» хабар берди.

Вазирлар Маҳкамасига ишончсизлик қарорини чиқариш учун 306 нафар депутат овоз берди, 325 нафар депутат эса қарши чиқди.

Овоз беришдан сўнг, Мэй, Brexit бўйича келишувга эришиш учун мухолифат партияларининг раҳбарлари билан музокараларни бошлаш ниятида эканини маълум қилди.

Ўз навбатида, Лебористлар етакчиси Жереми Корбин, Мэй Brexit (Буюк Британиянинг Европа Иттифоқидан ҳеч қандай келишувсиз чиқиш) имкониятини истисно қилмагунига қадар ҳеч қандай музокаралар бошлаш истаги йўқлигини билдирган.

Ҳукуматга ишончсизлик овозини йиғиш Европа Иттифоқидан Буюк Британияни олиб ташлаш ҳақидаги келишув лойиҳасини рад қилганидан сўнг Корбин томонидан таклиф қилинганди.

Белгиланган тартибга кўра, ҳукумат уч кун ичида кейинги ҳаракатлар режасини тақдим этиши лозим. Сешанба куни ўтказилган овоз бериш натижаларидан сўнг Бош вазир Тереза Мэй парламентга ҳали ҳам ҳукуматга «ишониши» кераклигини айтди ва ҳали ҳам ишонч борлигига умид билдирган.

Келишув лойиҳасини парламент томонидан қабул қилинишини талаб қилган Мэйга қарши овоз бериш жараёни ҳеч қандай хавф солмаган — унинг рақиблари Мэйни бундан аввал ҳам чиқариб ташлашга урунган, аммо кўпчилик овоз йиға олмаган учун қўлидан келмаган. Қонунга кўра, Мэйга нисбатан ишончсизлик сайловини улар бир йилгача ўтказиши мумкин эмас. Ютказганига қарамай Мэй бош вазир бўлиб қолади. У ўзи истамагунича ушбу лавозимдан кета олмайди.

Агар Мэй лавозимида қоладиган бўлса, Буюк Британия воз кечиш имкони бўлмаган шу билан бирга ечилмай қолаётган муаммони ҳал қила олмайдиган бош вазир билан қолади.