ДНК соҳасидаги кашфиётлари учун Нобель мукофотига сазовор бўлган америкалик олим Жеймс Уотсон ирқ ва ақл ўртасидаги боғлиқлик ҳақидаги жанжалли баёнотлари сабабли барча фахрий унвонларидан маҳрум этилди. Бу ҳақда «Интерфакс» хабар берди.
Машҳур биолог телекўрсатув орқали генлар европа ва негроид ирқига мансуб вакилларнинг ўртача IQ даражасига таъсир қилиши ҳақидаги масалани кўтарган.
Уотсоннинг фикрларини у илгари раҳбарлик қилган Cold Spring Harbour лабораторияси ёлғон ва мутлақо ўйланмаган деб баҳолаган.
90 ёшли олим, илгари ҳам бундай тахминларни илгари сурган.
Хусусан, 2007 йилда унинг тасаввурида Африканинг келажаги жуда аянчли эканлигини, сабаби уларнинг интеллекти бизникига ўхшамаслигини маълум қилганди.
Уотсон барча одамлар тенглигига ишонгиси келади, аммо қора танлилар билан мулоқотда бўлган ҳар қандай киши бундай эмаслигини билади, деган фикрни илгари суради.
Ушбу фикрларидан сўнг у Cold Spring Harbour лабораториясидаги лавозимидан айрилган, аммо узрли мактубидан сўнг фахрий номини сақлаб қолган. Бироқ АҚШда намойиш этилган янги ҳужжатли фильмдан сўнг лаборатория уни олим унвонидан махрум этишга қарор қилган.
Жеймс Уотсон 1962 йилда Фрэнсис Крик ва Морис Уилькинс билан ДНК молекуласининг тузилишини кашф қилганлиги учун физиология ва тиббиёт бўйича Нобель мукофотини қўлга киритган.
2014 йилда илмий ҳамжамият унинг фикрларини ирқчилик деб талқин қилгани учун кўкрак нишонини сотиб юборган.Айни пайтда у автоҳалокатдан сўнг даво муолажаларини ўтамоқда.
Изоҳ (0)