Бугун, 14 январь куни Эроннинг Теҳрон шаҳри яқинида ҳалокатга учраган Boeing 707 самолётининг борт муҳандиси ҳалокат оқибатида омон қолган ягона инсон бўлди, деб хабар берди «ТАСС».
Ҳаво кемаси бортида ҳаммаси бўлиб 16 киши бўлган. Қутқарувчилар самолёт бўлаклари остидан етти кишининг жасадини олиб чиқишга муваффақ бўлди. Бортдаги қолган саккиз киши ҳақида ҳозирча маълумот берилмаган.
Аввалроқ, PressTV телеканали ҳалокатга учраган самолёт учувчилари омон қолгани ҳақида маълум қилган эди. Кейинроқ эса учувчиларнинг барчаси ҳалок бўлгани ҳақида хабар берилди.
Лайнер Бишкекдан Теҳрондан 40 километр узоқликда жойлашган Кереж шаҳрининг Пайям аэропортига учаётган эди.
Самолёт хатолик туфайли Кереж шаҳридаги бошқа аэропортга қўнмоқчи бўлди. Шу пайтда Boeing 707 аэропорт деворига урилди ва турар жойлар қурилаётган ҳудудга сирпаниб кетди.
Изоҳ (0)