11 январнинг эътиборга молик янгиликлари — «Дарё» дайжестида.
Ўзбекистон Республикаси Президенти Шавкат Мирзиёев 11 январь куни Самарқанд вилоятига ташриф буюрди. У ерда Президент Имом Бухорий мақбараси ва Ҳадис илми мактабида бўлди, Самарқандда янги қурилган уйлардаги хонадонлардан бирида меҳмон бўлди, Тойлоқ туманидаги Pet Agro Oil қўшма корхонасини кўздан кечирди, Самарқанддаги Конфуций майдонини бориб кўрди.
Шунингдек, Самарқандда Президент иштирокида халқ депутатлари вилоят кенгашининг навбатдан ташқари сессияси бўлиб ўтди. Унда Президент Шавкат Мирзиёевнинг тавсияси Халқ депутатлари Самарқанд вилояти кенгаши томонидан қўллаб-қувватланиб, Эркинжон Турдимов Самарқанд вилоятининг ҳокими этиб тасдиқланди.
***
Марказий банк 100 минг сўмлик банкнотнинг муомалага чиқарилишини тасдиқлади.
Марказий банк матбуот хизмати вакилининг сўзларига кўра, янги банкнотларнинг чиқарилиши бўйича техник тайёргарлик бошланган. Бироқ, банкнота муомалага чиқиши бўйича аниқ сана белгиланмаган.
***
Павел Дуров Роскомандзор реестрига киритилган Telegram Messenger LLP компанияси фаолиятини тўхтатишга ариза берди.
Компания фаолияти тўхтатилишининг расмий сабаблари маълум қилинмаган.
***
Дунёнинг энг бой одами Жефф Безоснинг ажрашиш сабабларини маълум бўлди.
Amazon компанияси асосчиси Жефф Безоснинг рафиқаси билан ажрашишига унинг собиқ телебошловчи Лорен Санчез билан муносабатлари сабаб бўлган.
Бу жуфтлик учрашиб туради ва миллиардернинг амалдаги рафиқаси уларнинг муносабатидан хабардор.
АҚШ президенти Дональд Трамп эса хотини билан ажрашаётган Amazon асосчиси Жефф Безосга омад тилади.
***
Зўрлашда айбланаётган Криштиану Роналдунинг ДНК намунасини олиш учун ордер берилди.
Полиция Роналдуни зўрлашда айблаган аёлнинг (Кетрин Майорга) либосидаги намуналар билан ўйинчининг генетик таҳлилларини таққослайди.
Лас-Вегас полицияси вакиллари аллақачон ордерни Италия суд хизматига юборган.
2018 йилнинг сентябрида америкалик модель Кетрин Майорга 2009 йил июнь ойида Роналду уни Лас-Вегасда зўрлагани ҳақида маълум қилганди.
Изоҳ (0)