Маҳмуд Ширинов (исм-шарифлар шартли) укаси Аброр Ширинов билан тил бириктириб, ўғриликни амалга оширди. Бу ҳақда ЎзА хабар бермоқда.
Хатирчи туманининг «Парахун» маҳалласида яшовчи Адиба Ҳамидованинг эри ва ўғли Жанубий Кореяга ишлашга кетгани, хонадонида пул ва қимматбаҳо буюмлар борлигини сезган ака укаси билан режа тузади ва 2018 йил 20 сентябрь соат 13:00 ларда ҳовлига ўғриликка тушади.
Бу пайтда Адиба Ҳамидова кўчага чиққан ва ишлари битмагач, тезда уйига қайтади. Хонадонга асосий кириш эшигини очишга қийналгани учун қўшниси Очил Аҳмедовдан ёрдам сўрайди ва у ҳам очолмагач, хонадоннинг ён тарафи, машина сақланадиган гараж томондан киришади. Бунда ака-ука ўғрилар уй эгасининг келганини сезиб, воқеа жойидан ишларини қисман амалга ошириб қочишга муваффақ бўлади. Аммо уларнинг қочуви узоққа чўзилмади.
Жиноят ишлари бўйича Хатирчи тумани судининг «Парахун« маҳалла фуқаролар йиғини биносида бўлиб ўтган сайёр судида ака-ука Шириновлар иши кўриб чиқилди. Улар айбдор деб топилиб, Жиноят кодексининг тегишли моддалари билан жазо чоралари белгиланди.
Изоҳ (0)