Американинг NBC News телеканали АҚШ президенти Дональд Трампнинг 10 та асосий ёлғонидан иборат жамланмани тақдим этди. Бу ҳақда «Газета.ru» хабар берди.
Телеканал томонидан таъкидланишича, 2018 йилда Трамп бир неча марта Америка жамоатчилигини чалғитган. Мамлакат етакчиси сайловолди кампанияси вақтида, Оқ уйда ва Twitter’да ёлғон тасдиқларни ўн марталаб такрорлаган.
Биринчи ўриндан Мексика билан чегарада девор қурилиши ҳақидаги баёнот жой олган. Трамп октябрь ойида бу деворнинг қурилишини айтган, декабрь ойида эса қурилиш харажатларини Мексика тўлашини таъкидлаган. Унинг сўзларига кўра, деворнинг қурилиши аллақачон бошланган, баъзи қисмларда эса қайта таъмирлаш ишлари ўз ниҳоясига етган. NBC томонидан таъкидланишича эса, бу гапларнинг ҳеч бири ҳақиқатга тўғри келмайди.
Иккинчи ўринни Трампнинг республикачилар бемор кишиларга ёрдам бериши ҳақидаги сўзлари эгаллаган. Учинчи қаторга Трамп томонидан Россиянинг 2016 йилдаги сайловларга аралашиши бўйича айтган гаплари жойлаштирилган.
Тўртинчи ўринда Трампнинг Барак Обама муҳожирларнинг оилаларини ажратиш амалиётини жорий қилгани ҳақидаги баёноти турибди.
АҚШнинг тарихий миқёсдаги иқтисодий ўсишга эришгани ҳақидаги баёнот бешинчи ўринда қайд этилган. Еттинчи ўринни Америка тарихида солиқларнинг энг катта қисқариши ҳақидаги сўзлар банд этган. Саккизинчи ўринга Трампнинг божлар Американи бой қилиши ҳақидаги сўзлари муносиб топилган. Энг сўнгги ўринда эса АҚШ президентининг унинг маъмурияти аввалги президент маъмуриятидан кўпроқ иш қилгани ҳақидаги баёноти турибди.
Изоҳ (0)