Андижон ИИБ аҳоли билан бўлган мулоқотларда «Менинг кўчамда жиноят содир этилмайди» мавзусидаги тарғибот ишларини кучайтирмоқда. Бу ҳақда вилоят ИИБ матбуот хизмати хабар берди.
Профилактика куни доирасида Андижон вилояти ИИБ мутасаддилари томонидан Хўжаобод туманидаги аҳолининг муаммолари уйма-уй юриб ўрганилди. Хусусан, Нишоббўйи МФЙ, Боғ кўчасида яшовчи фуқаролар билан олиб борилган мулоқотларда асосий эътибор ишсиз фуқароларни ишга жойлаштириш бўлди. Шу кўчада истиқомат қилувчи Насибахон Ўсмонова билан суҳбатлашилганда унинг ишсиз эканлиги, агарда яшаш хонадонига яқин бўлган жойдан иш топилса, ишлаш истаги борлигини билдирди. Фуқаронинг қилган мурожаатига ечим топишга киришилиб, шу маҳалла ҳудудида жойлашган, «Муомала барака» номли кичик тикув корхонасига олиб борилди ва синов муддати билан ишга қабул қилинди.
Тадбир давомида, аҳоли ўртасида жиноятчилик ва ҳуқуқбузарликларни олдини олиш мақсадида, Манак қишлоғи марказида кенг жамоатчилик иштирокида бўлиб ўтган учрашув мулоқотда барча огоҳликка чақирилди.
Унда нохуш ҳолатларнинг келиб чиқмаслиги учун ҳар бир фуқаронинг масъуллигини ошириш, жиноятларнинг аянчли оқибатларидан оила-аъзолари ва қўни-қўшниларини ҳушёрликка чақириш ҳамда хар бир кўчада «Менинг кўчамда жиноят содир этилмайди» мавзусидаги тарғибот ишларини кучайтириш лозимлиги аторфлича тушунтирилди.
Аҳолини қийнаётган муаммоларни уйма-уй юриб ўрганиш ва уларга ечим топиш ҳамда жиноятчиликка қарши муҳит яратиш мақсадида вилоятнинг Асака, Шаҳрихон, Жалақудуқ, Қўрғонтепа, Бўз туманларида ҳам ҳудди шундай учрашув мулоқотлар ўтказилди.
Изоҳ (0)