Америка Қўшма Штатлари Ўзбекистон билан икки томонлама муносабатлар ўрнатиш парадигмасини ўзгартирди, деб ҳисоблайди Марказий Осиё ва Кавказ институти раиси Фредерик Старр. Бу ҳақда «Podrobno.uz» хабар берди.
АҚШ Давлат департаментининг Ўзбекистонни «алоҳида ташвишли давлатлар рўйхати»дан чиқариши ҳақидаги қарорини шарҳлар экан, америкалик эксперт, Вашингтоннинг «мамлакатда ишлаш» эски услубидан чиқиб, икки томонлама муносабатларни қуришда ўзгарган парадигмасини қайд этди.
«Америка Қўшма Штатлари, мусулмон дунёсида мутлақо инновацион ҳодисалар юз бераётганини тан олиш вақти келди ва бугунги кунда Ўзбекистонда содир бўлаётганларнинг ҳам ана шундай муҳим жиҳати — диний эркинлик учун зарур бўлган дунёвий давлатни ҳимоя қилиш саналади», — дея Фредерик Старрнинг сўзларини ТИВ матбуот хизмати шарҳлади.
АҚШ Давлат департаментининг диний озчиликлар масалалари бўйича маслаҳатчиси Кнокс Темз мамлакатда амалга оширилаётган ислоҳотлар ва ўзгаришларга юксак баҳо бериб, «Марказий Осиё юрагида жойлашган Ўзбекистон минтақанинг тарихида жуда муҳим рол ўйнаганини» таъкидлади.Америкалик дипломат Ўзбекистонни ҳукуматининг аниқ чора-тадбирларини белгилаб берар экан, Ўзбекистон қонунчилик даражасида БМТ ҳисоботларида баён этилган тавсиялар учун ягона механизмни қабул қилган ягона мамлакатга айланганини қайд этди.
«Мен бу соҳада 20 йилдан ортиқ вақт мобайнида фаолият олиб борганимни ва одатда, бундай маърузалар тақдим этилганда, улар ёки эътибордан четда қолиши, ёки умуман аҳамиятга олинмаслигини айтмоқчиман... Мен ҳеч қачон Бирлашган Миллатлар Ташкилотининг тавсияларига ижобий жавоб бериб, ўзининг миллий қонунчилигида риоя қилган бундай мамлакатни кўрмаганлигимни тан оламан», деди Кнокс Темз.
Глобал иштирок этиш институтининг фахрий президенти Крис Сайпл «Ўзбекистон диний миллатчилик, этник ва диний озчиликларни репрессия қиладиган барча глобал тенденцияларга қаршилигини» қайд этди.Unity Productions Foundation дастури директори Дениэл Татт, диний ва маданий хилма-хилликни, айниқса мусулмонлар ва бошқа эътиқодлар орасида мустаҳкамлашни қўллаб-қувватловчи АҚШнинг энг йирик медиа ташкилоти бўлиб, улар Ўзбекистонга ташриф буюриб, унинг маданияти ва мероси ҳақида кичик фильм тайёрламоқчи эканлигини, мамлакатнинг тарихи ҳақида кўпроқ билиб, уни бошқаларга ҳам ҳикоя қилмоқчилигини қайд этди.
Изоҳ (0)