«Ўзавтосаноат» АЖ 32 та дилерлик корхоналари (автосалонлар) устав фондларидаги ўз улушларини аукцион савдоларига қўйганлигини маълум қилади. Бу ҳақда «Podrobno.uz» хабар берди.
Ушбу корхоналарнинг ҳар бири тайёр, юқори даромадли бизнес бўлиб, янги автомобиллар, эҳтиёт қисмлар сотувининг амалдаги тизимини, шунингдек автосервис хизматлари кўрсатиш тизимини ўзида қамраб олган.
Савдоларга автомобиллар сотувининг шаффоф тизимлари ривожига ва уларга сотувдан кейин хизмат кўрсатишга инвестиция киритиш истагида бўлган хусусий инвесторлар (юридик ва жисмоний шахслар) таклиф этилади. Аукцион савдолари ташкилотчиси сифатида «Республика мулк маркази» МЧЖ иштирок этади.
Савдолар 2019 йилнинг 21 январида ўтказилади. Савдоларда қатнашиш учун дилерлик корхонаси устав капиталидаги улуш бошланғич қийматининг 15 фоизини ўтказиш талаб этилади.
Қуйида улушлари сотувга қўйилган дилерлик корхоналари номлари ва уларнинг бошланғич нархлари билан бу ерда танишишингиз мумкин.
Изоҳ (0)