UFC’нинг енгил вазнли жангчиси Кевин Ли Fox 31 мусобақасида Эл Яквинтадан қабул қилиб олган мағлубиятига изоҳ берди. Бу ҳақда MMA Junkie хабар берди.
«Мен Яквинта билан бўлган жангда ғолиб бўлдим, деб ўйлайман. Жуда кўп чап томонда иккинчи рақамда ишладим ва ўзимга янги бўлган услубда — тажовузкор бўлмадим, ҳужумга ўтмадим ва шиддат билан жанг қилмадим. Қандайдир янгича услубни кўрсатишни хоҳладим. Эл яхши ҳаракат қилди, тўртинчи раундда яхшигина зарбасига тутилдим. Нима дейишим мумкин: Қайтиб келаман ва албатта, чемпион бўламан. Мен ирқчилик, тизим, қашшоқлик ва ютқазишимни истаган барчани доғда қолдирдим. Камтарлигингга ҳам жин урсин!» — дейди Кевин.
16 декабрь, якшанба куни бўлиб ўтган мусобақадан сўнг, Ҳабиб Нурмагомедов ўзининг Twitter’даги саҳифасида шундай ёзганди: «Камтар бўл, Кевин Ли. Камтарлик — бу муваффақиятнинг калити». Қайд этиш жоиз, аввалроқ Ли Ҳабибни бир неча бор жангга чақирганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)