Имконияти чекланган, ногиронлиги бор шахслар ва кам таъминланган фуқароларни уй-жой билан таъминлаш мақсадида Жомбой туманидаги Узуновул массивида кўп қаватли уй-жой биноси барпо этилди. Бу ҳақда Самарқанд вилояти ҳокимининг Facebook’даги саҳифасида маълум қилинди.
Барча шароитларга эга мазкур уй-жойнинг 10 таси ногиронлиги бор шахсларга имтиёзли, узоқ муддатли кредитлар ҳисобига ажратилди. 10 нафар ногиронлиги бор шахсларга уй-жой калитини топшириш тадбири ўтказилди. Тадбирда вилоят ва туман жамоатчилиги вакиллари иштирок этишди.
Тадбирда сўзга чиққанлар яратилган бундай имконият ва меҳрибончиликдан жуда хурсандликларини, байрам кунларида мазкур уйларнинг бошланғич бадали давлат томонидан тўлиқ тўланган ҳолда берилганлиги том маънода ҳақиқий байрам туҳфаси бўлганлигини таъкидлашди.
Изоҳ (0)