Макрон иш ҳақини 100 еврога кўтариб, солиқларни камайтиришга ваъда берди

Франция президенти Эмманюел Макрон мамлакатда фавқулодда иқтисодий ҳолат эълон қилди. Бу ҳақда «Дожд» хабар берди.

У ҳукуматга январдан энг кам ойлик иш ҳақини 100 еврога кўтаришни, иш вақтидан ташқари ишни солиққа тортмаслик, солиқни бойликка айлантиришдан воз кечишни таклиф қилди.Президент корхоналардан имконият бўлган тақдирда йил якунлари бўйича ишчиларга бонуслар тўлаб беришни илтимос қилди ҳамда ушбу мукофотларни солиққа тортмасликка ваъда берди.

Шунингдек, у пенсионерлар ва кам таъминланганларнинг солиқ юкини енгиллаштиришга ваъда берди. Мазкур чораларни у мамлакатда иқтисодиёт ва ижтимоий соҳада «фавқулодда ҳолат» жорий этиш деб атади.Макрон «сариқ нимчали»ларнинг норозилик намойишини ўринли деб айтган.

У аксарият одамларнинг аҳволи ёмонлиги ва уларни ҳеч ким эшитмаслигида ўзини айбдор деб билди.

Шу билан бирга у намойишчиларнинг полициячиларга нисбатан ҳужумини оқламаслигини ҳам қайд этди.

Франциядаги намойишлар ноябрь ойи ўрталарида бошланган. Аввалроқ, намойишчилар солиқ ва автомобиль ёқилғисининг нархларии ошиши, шунингдек Макроннинг иқтисодий сиёсатига ҳам қарши чиқган.

Намойиш иштирокчилари Парижда полициячиларга ҳужум қилди, машиналарни ёқиб, пештахталарни синдирган.

17 ноябрдан эътиборан Франция ИИВ хабарига кўра, мамлакатда 4,5 минг намойишчи қўлга олинган.