Хитой суди Apple’дан эски iPhone моделларини мамлакат ҳудудида сотишни тақиқлади. У Qualcomm компаниясининг Хитойнинг тўрт Apple Inc. шўъба корхоналарига қарши даъвосини қондирди. Бу ҳақда «Forbes» хабар берди.
Суд дарҳол Qualcomm’нинг иккита патенти талабини бузаётган iPhone 6S, iPhone 6S Plus, iPhone 7, iPhone 7 Plus, iPhone 8, iPhone 8 Plus ва iPhone X смартфонлари савдоси ва импортини тўхтатиш тўғрисида қарор қабул қилди.
Аввалроқ ушбу патентлар Хитойнинг SIPO патент идораси томонидан тан олинганди. Импорт ва савдони тақиқлаш 2018 йилнинг сентябрида тақдим этилган iPhone XS, iPhone XS Max ва iPhone XR моделларига тааллуқли эмас.Мунозарали патентлар суратларни таҳрирлаш ҳамда дастурни iPhone сeнсори билан бошқаришга боғлиқ. The Wall Street Journal дастлабки тақиқ 30 ноябрь куни киритилганини маълум қилди.«Apple бизга компенсация тўлашдан бош тортиб, бизнинг интеллектуал мулкимиздан фойдаланишни давом эттирмоқда. Ушбу суд қарори Qualcomm’нинг патнет портфели кучини яна бир тасдиғи саналади», — дейилади хабарда.Apple компаниясида Qualcomm’нинг маҳсулотларга тақиқ киритиш бўйича ҳаракатлар ноқонуний бўлиб, бутун дунёдаги назорат органлари томонидан текширилмоқда», — дейилади Apple’нинг жавобида. iPhone айни дамда Apple смартфонларининг барча моделлари Хитойда мижозлар учун очиқ эканлигини маълум қилди.Хитойдаги судда ютказиб қўйиш тўғрисидаги янгиликлар фонида Apple акциялари 10 декабрдаги савдоларда икки фоизга тушиб, 165,2 АҚШ долларни ташкил қилди. Унинг капитализацияси 15 миллиард АҚШ долларига тушди ва 783 милллиардга етди. Ноябрь бошидан буён компания 220 миллиард АҚШ доллар капитализациясидан айрилди.
Изоҳ (0)