Буюк Британия қироллик оиласи аъзоларининг исмларини болаларга қўйиш 2018 йилда тренд бўлди. Бу ҳақда Baby Centre’га таяниб, «Газета.ru» хабар берди.
Шаҳзода Гарри ва Меган Марклнинг никоҳ тўйидан кейин Меган исмининг оммабоплиги 49 фоизга ўсган. Шаҳзода Уильям ва Кейт Миддлтоннинг ўғли Луининг исми машҳурлиги 17 фоизга ўсган.
Портал томонидан 2018 йилда 9 та мамлакатдаги қизлар ва ўғли болалар исмларининг энг оммабоп 10 талиги эълон қилинган. АҚШ ва Буюк Британияда энг оммабоп қиз болалар исмлари қаторидан Эмма, Ава, Миа, Оливия ўрин олган бўлса, ўғил болалар исмлари орасида Ноа, Лиам, Жексон ва Лукас энг оммабоп бўлган. Араб мамлакатларида болаларнинг энг оммабоп исмлари Марям ва Муҳаммад бўлган.
Изоҳ (0)