Делавэр штати, Уилмингтондаги Concord Mall савдо марказида Санта-Клаус 93 ёшли Иккинчи жаҳон уруши қатнашчиси Боб Смайлига миннатдорчилик билдириш учун тиз чўкди. Бу ҳақда «Forum Daily» хабар берди.
Ушбу таъсирли ҳолат савдо марказига ташриф буюрганлар томонидан суратларга муҳрланди.«Мен Санта паст овозда Иккинчи жаҳон уруши фахрийсига уруш қатнашчиларидан кимларни танишини айтиб бераётганини эшитиб қолдим. Санта унинг қўлини сиқиб, хизмати учун миннатдорлигини изҳор қилди», — деб ёзади ҳолатни суратга муҳрлаган ва уни ўзининг Facebook’даги саҳифасига жойлаган Жина Уилбур.
Ушбу пост юқумли бўлиб, 4 600 марта репост қилинди.Смайлининг оила аъзолари суратни интернетда кўриб, тасирлангандан Сантани топишди. 6 декабрь куни уруш фахрийси ва Санта яна учрашди.«Биз ўз ҳаётини хизматга ва ҳатто бошқа инсонларнинг ҳаёти учун бағишлаган бундай инсонлар олдида умрбод қарздормиз», — деди Санта.Смайли унинг авлоди учун армияда хизмат қилиш қурбонлик эмас бурч бўлганини таъкидлади.«Биз урушга бордик, хизмат қилдик. Менинг синфимдаги ҳар бир йигит хизмат қилган. 35 йигитдан беш нафари ҳалок бўлган, улар менинг 13 йиллик ҳаётимдаги дўстларим эди», — дейди Смайли.У одамларнинг миннатдорчилигини қадрлашини айтди.«Менга миннатдорчилик билдиришганда, мен ҳам ўзимнинг миннатдорлигимни кўрсатишга ҳаракат қиламан. Одамлар биз ҳақимизда ўйлашларидан бошим осмонга етади», — дейди уруш фахрийси.
Изоҳ (0)