Delaver shtati, Uilmingtondagi Concord Mall savdo markazida Santa-Klaus 93 yoshli Ikkinchi jahon urushi qatnashchisi Bob Smayliga minnatdorchilik bildirish uchun tiz cho‘kdi. Bu haqda “Forum Daily” xabar berdi.
Ushbu ta’sirli holat savdo markaziga tashrif buyurganlar tomonidan suratlarga muhrlandi.“Men Santa past ovozda Ikkinchi jahon urushi faxriysiga urush qatnashchilaridan kimlarni tanishini aytib berayotganini eshitib qoldim. Santa uning qo‘lini siqib, xizmati uchun minnatdorligini izhor qildi”, — deb yozadi holatni suratga muhrlagan va uni o‘zining Facebook’dagi sahifasiga joylagan Jina Uilbur.
Ushbu post yuqumli bo‘lib, 4 600 marta repost qilindi.Smaylining oila a’zolari suratni internetda ko‘rib, tasirlangandan Santani topishdi. 6-dekabr kuni urush faxriysi va Santa yana uchrashdi.“Biz o‘z hayotini xizmatga va hatto boshqa insonlarning hayoti uchun bag‘ishlagan bunday insonlar oldida umrbod qarzdormiz”, — dedi Santa.Smayli uning avlodi uchun armiyada xizmat qilish qurbonlik emas burch bo‘lganini ta’kidladi.“Biz urushga bordik, xizmat qildik. Mening sinfimdagi har bir yigit xizmat qilgan. 35 yigitdan besh nafari halok bo‘lgan, ular mening 13 yillik hayotimdagi do‘stlarim edi”, — deydi Smayli.U odamlarning minnatdorchiligini qadrlashini aytdi.“Menga minnatdorchilik bildirishganda, men ham o‘zimning minnatdorligimni ko‘rsatishga harakat qilaman. Odamlar biz haqimizda o‘ylashlaridan boshim osmonga yetadi”, — deydi urush faxriysi.
Izoh (0)