Интернет тармоғида Тошкентда йўл ўртасида ёнаётган машина тасвирга олинган видео пайдо бўлди, деб ёзади Sputnik.
Facebook’даги «Водители Ташкентда» гуруҳи фойдаланувчилари маълум қилишича, бу воқеа бугун, 7 декабрь куни Қушбегида содир бўлган.
Видеога қараганда, ёнаётган машина Chevrolet Cobalt бўлган.
Интернет фойдаланувчиси Тошкентнинг кўчаларидан бирида оқ рангли автомашина ёниши ҳолати тасвирга олинган видеони жойлаштирди.
Видеода машина чорраҳада тургани, унинг салонини тўлиқ ёнғин босгани, устида эса қора тутун кўтарилаётганлигини кўриш мумкин.
Ҳозирча фавқулодда хизмат сайтларида бу ҳолат бўйича маълум йўқ. Шунинг учун ёнғин сабаблари тўғрисида фақат тахмин қилиш мумкин.
Айни вақтда ўзбекистонлик интернет фойдаланувчилари ушбу ҳолатни қизғин муҳокама қилиб, ёнғин келиб чиқишига иккита сабаб кўрсатишган: биринчиси газ, бензин ёки метан портлаши, иккинчиси эса электр сим туташуви.
Фойдаланувчиларнинг изоҳларида машина салонларига регистратор, аудио-видео қурилмаларини ўрнатаётганда жуда эҳтиёт бўлиш кераклиги айтилган.
https://www.facebook.com/UZPhotoVideo/videos/1933181726758873/
Изоҳ (0)