2014 йилдан компанияни бошқариб келган Тону Грюнберг ўз лавозимини тарк этди. Бу ҳақда «Spot.uz» хабар берди.
Унинг ўрнига компаниянинг бош директори вазифасини вақтинча бажарувчи этиб Владимир Кравченко тайинланди.
Владимир Кравченко 1985 йилда туғилган. У Тошкентдаги Халқаро Вестминстер университетини тамомлаган.
Аввалроқ, Кравченко Uzmobile бош директори, компаниянинг тижорат директори лавозимларида фаолият олиб борган.Компания бошқарувидаги ўзгариш «Telia» ўз улушини Давлат рақобат қўмитасига 215 миллион АҚШ долларга сотганидан сўнг рўй берди.Ucell Coscom бренди остида 1996 йилда ташкил этилган бўлиб, 2007 йилнинг июль ойидан «TeliaSonera» Coscom компаниясининг асосий акциядорига айланди. 2008 йилнинг июнь ойида оператор Ucell бренди остида фаолият бошлади. Бугун компаниянинг абонентлари сони 7,1 миллионни ташкил қилади.
Изоҳ (0)