Фарғона вилоятида инсон ўлими билан боғлиқ йўл-транспорт ҳодисаси юз берди. Бу ҳақда «Дарё» мухбири Азизжон Эрматов хабар берди.
Жорий йилнинг 5 декабрь куни соат 19:00 ларда Бағдод тумани марказий шифохонасига 1968 йилда туғилган фуқаро А.О. оғир тан жароҳатлари билан олиб келинган. Кўрсатилган биринчи тиббий ёрдамга қарамасдан А.О. шифохонада вафот этган.
Ҳодиса гувоҳларининг сўзларига қараганда, 5 декабрь куни соат тахминан 19:00 ларда Бағдод шаҳарчаси Кумуш тола кўчаси бўйлаб Олтиариқ-Бағдод йўналишида ҳаракатланиб келаётган давлат белгиси 40 Г 421 ЖА бўлган «КамАЗ» русумли автомашина йўл четида маст ҳолда ётган А.О.ни босиб кетган. Ҳодиса вақтида йўл қалин туман билан қопланган.
Ҳозирда ҳодиса юзасидан дастлабки тергов ҳаракатлари олиб борилмоқда.