ЎзА хабар беришича, 2017 йил январь ойи бошларида фуқаро А.Холматов (исми шарифи ўзгартирилган) Ш.Раҳимованинг фарзанди Н.Раҳимов Андижон давлат тиббиёт институтига ўқишга кирмоқчилигидан хабар топади.
У ўзини Миллий хавфсизлик хизмати ходими сифатида таништириб, гўёки ўзига берилган ваколатдан фойдаланиб, DTМ махсус ҳисоб рақамига давлат божи тўлаш орқали Н.Раҳимовни ўқишга киритиб қўйишини айтиб, алдаб, Фарғона шаҳрида Ш.Раҳимованинг 6 минг 200 АҚШ долларини қўлга киритиб, пулларни ўзининг эҳтиёжи учун ишлатиб юборади.
Жиноят ишлари бўйича Фарғона шаҳар судида судья Ш.Умаров раислигида А.Холматовга оид жиноят иши ўрганилиб, унга қонун доирасида жазо тайинланган.
Изоҳ (0)