Корхонанинг Шаҳриобод (Ду700) кўчаси бўйлаб 1-ИМдан иссиқлик тармоқларида 2018 йил 6 декабрь куни соат 13:00 да авария содир бўлди. Натижада Мирзо Улуғбек туманининг 300 дан ортиқ бино ва уйлари ҳамда Яшнобод туманининг бир қисми иссиқлик энергиясисиз қолган, деб хабар берди Тошкент шаҳар ҳокимлиги матбуот хизмати «Тошиссиқуввати» ДУК маълумотларига асосланиб.
Ўзининг фойдаланиш муддатини ўтаб бўлган иссиқлик тармоғининг узатиб берувчи қувурида ёрилиш бўлганлиги сабабли келиб чиққан авария навбатчи бригадалар ва иситиш мавсумида шаҳарнинг иссиқлик таъминотини жойида узлуксиз таъминлаш учун махсус техника ёрдамида соат 23:00 да бартараф этилган.
Қайд этилишича, «Тошиссиққуввати» ДУК ходимлари томонидан шу каби ҳодисалар содир бўлмаслиги учун барча зарурий чоралар кўрилмоқда.
Келтирилган ноқулайликлар учун маъмурият узр сўрайди, —дейилади хабарда.
Изоҳ (0)