АҚШ Конгрессида комиссия қаршисида Шинжондаги уйғурлар учун қайта тарбиялаш лагерида бўлиб чиққан хитойлик Меҳригул Турсун нутқ сўзлади, деб ёзади Tengrinews. Аёл маҳбуслар ҳам жисмоний, ҳам руҳий қийноққа солинган лагерда ўтказган уч ой умри ҳақида гапириб берди.
У деразаси йўқ тор ерости камерасида ўнлаб маҳбуслар билан бирга жойлаштирилгани, ерда ухлаш учун жой етмаганлиги туфайли навбат билан соатлаб тик туриб чиққанлари, номаълум дорилар ва суюқликлар ичиришгани, электр токи ёрдамида қийноқларга солингани ҳақида сўзлаб берди.
Бир неча йил аввал Меҳригул Шинжондан Мисрга ўқишга кетиб, ўша ерда турмуш қурган. 2015 йилда қариндошларини зиёрат қилиш учун ёш болалари билан Хитойга келганида, уни қўлга олишган. Болаларни онасидан ажратишган, ҳатто улардан бири вафот этган.
Турсунни уч йил давомида Хитойдан чиқаришмаган, бир неча марта ҳибсга олишган, тарбиялаш лагерида сақлашган. 2018 йил ёзида Хитой ҳукумати унинг мамлакатни тарк этиб, фарзандларини Мисрга олиб кетишига рухсат берган, аммо ўзининг Шинжонга қайтиб келишини талаб қилишган. Қоҳирага келиб, аёл америкалик дипломатлар билан боғланган, улар эса унинг АҚШга келишини таъминлаб берган.
Изоҳ (0)