2018 йилнинг 27—28 ноябрь кунлари Остона шаҳрида «Фуқаролик жамияти ва давлат: диалог, ҳамкорлик, ишонч» мавзусида Қозоғистоннинг VIII фуқаролик форуми бўлиб ўтди. Бу ҳақда «Дарё»га Адлия вазирлиги Жамоатчилик билан алоқалар бўлими хабар берди.
Форумда 17 та халқаро ва 20 та донор ташкилотлар, давлат органлари, жамоат кенгашлари ва дипломатик миссиялар вакиллари вазирлик ва идоралар раҳбарлари иштирок этди.
Тадбир доирасида Қозоғистон Республикаси Президенти Нурсултон Назарбоев иштирокида пленар йиғилиш бўлиб ўтди. Иштирокчилар томонидан 2019-2024 йиллар учун фуқаролик жамияти институтларини ривожлантириш концепцияси лойиҳаси муҳокама қилинди.
Ўзбекистон Республикаси Адлия вазирлиги вакиллари Форум иштирокчиларига Ўзбекистонда нодавлат нотижорат ва диний ташкилотлар учун яратиб берилаётган имкониятлар хусусида маълумотлар берди.
Тадбирда Ўзбекистонда экология ва атроф-муҳитни муҳофаза қилиш, ногиронлиги бўлган шахслар ва кам таъминланган оилаларни қўллаб-қувватлашга қаратилган ижтимоий лойиҳаларни амалга оширадиган фуқаролик жамияти институтларини қўллаб-қувватлаш учун бир миллион АҚШ доллари миқдорида хорижий грант маблағлари жалб қилинишга келишилди.
Изоҳ (0)