Самарқанд вилоятининг Ургут тумани жиноий ишлар бўйича суди Қарши туман ИИБнинг собиқ бошлиғи Жаҳонгир Ражабовни 2 йил озодикдан чеклаш жазосига ҳукм қилди. Бу ҳақда «Газета.uz» хабар бермоқда.
Унга 3 йил давомида мансабдорлик лавозимларини эгаллаш ҳам ман этилди. Ражабов ЖКнинг 206-моддаси 1-бандида кўзда тутилган жиноятни («Мансаб ваколатини суистеъмол қилиш») содир этганликда айбдор деб топилди.
2015 йил апрелидан 2018 йил 24 июлигача Қарши туман ИИБ бошлиғи бўлиб ишлаган Ражабов жорий йил 12 май, 12, 17 ва 24 июнь кунлари ғалла йиғим-терими режасини бажармаган бир неча фермер, жумладан, аёл кишини ҳақоратлагани ва калтаклагани қайд этилган.
Судланувчи ўз айбини тўлиқ тан олди, қилмишидан пушаймон эканлиги ва жабрланувчиларга товон тўлашга тайёрлигини билдирди. Шу билан бирга, фермерларни «шахсий манфаати учун калтакламаганлиги»ни таъкидлади.
Жаҳонгир Ражабов Қарши туманининг Манғит қишлоғида жазосини ўтайдиган бўлди.
Изоҳ (0)