Google корпорацияси Маунтин-Вью шаҳридаги (Калифорния штати) штаб-квартираси яқинидан 1 миллиард долларга офис бинолари комплексини харид қилди. Бу ҳақда San Francisco Chronicle газетаси маълум қилди, деб ёзади «ТАСС».
Нашр бу жорий йилда Сан-Франциско ва шу атрофдаги шаҳарларда кўчмас мулк соҳасидаги энг йирик шартнома эканлигини таъкидламоқда.
Гап 12 та офис биноси ҳақида бормоқда, бинолар майдони 74 минг квадрат метрга яқин. Бу офисларга 5 мингга яқин ходимни жойлаштириш мумкин. Комплекс бунга қадар LinkedIn ижтимоий тармоғига тегишли бўлган.
CNBC телеканалининг таъкидлашича, Google компанияси аввал бинонинг бир қисмини ижарага олган.
Изоҳ (0)