Украина президенти Пётр Порошенко 28 ноябрдан 30 кун муддатга мамлакатнинг «тажовуз хавф солаётган» вилоятларида ҳарбий ҳолатни жорий этишга қарор қилди. Бу ҳақда «Ведомости» хабар бермоқда.
Бу Россия билан чегара бўйлаб ҳамда Қора ва Азов денгизлари қирғоқлари яқинида жойлашган Винница, Луганск, Донецк, Одесса, Сумск, Харков, Чернигов, Херсон вилоятлари ва Азов денгизи акваториясининг ички сувларидир. Мазкур қарор «Россия томонидан Азов денгизида вазият мураккаб тус олдирилгани»га жавобан қабул қилингани билдирилмоқда.
Украина Олий радасида Порошенконинг айрим вилоятларда ҳарбий ҳолатни жорий этиш ҳақидаги қарорини 276 нафар депутат қўллаб-қувватлади, 30 киши қарши чиқди.
Ушбу муҳокамадан сўнг Рада якдиллик билан Украинада президентлик сайловларини 2019 йил 31 март кунига белгилаш ҳақида қарор қабул қилди.
Изоҳ (0)