Украинанинг уч нафар собиқ президенти — Леонид Кравчук, Леонид Кучма ва Виктор Юшенко мамлакатда ҳарбий ҳолат жорий қилинишининг мақсадга мувофиқлиги бўйича қўшма баёнот қилди. Бу ҳақда «Корреспондент.net» хабар берди.
Баёнотда ҳарбий ҳолат жорий қилинишининг мақсадга мувофиқлигига нисбатан шубҳа билдирилган, чунки бундай ҳолат билан фуқароларнинг бир қатор ҳуқуқлари чекланади. Шунингдек, қарор сиёсий мотивларга эга эканлиги айтилган, чунки 2014 йилдан буён ҳарбий ҳолатни талаб қилувчи бир нечта вазият юз берган.
Собиқ президентларнинг қайд этишича, агар депутатлар ҳарбий ҳолат жорий қилиниши мумкинлигига қарор қилса, улар сайловларнинг бекор қилиниши ҳамда одамларнинг ҳуқуқ ва эркинликлари чекланиши ҳақидаги меъёрни бекор қилиши керак.
Изоҳ (0)