Москвалик Пётр Попов ва Мария Холопцева хайрия учун пул тўплаш мақсадида Matiz автомобилида 25 минг километр йўл босди. Бу ҳақда «Podrobno.uz» хабар бермоқда.
Улар 2018 йили Прагада бошланган ва Улан-Удэда якунланган «Муғулистон раллиси» кичик литражли машиналар пойгасида иштирок этди. Мария ва Пётр Россия, Беларусь, Польша, Чехия, Грузия, Қозоғистон, Ўзбекистон, Тожикистон, Қирғизистон ва Муғулистон ҳудуди бўйлаб сафар қилди.
«Қўрқувларимиз асоссиз бўлиб чиқди, машинани ҳар қандай жойда, ҳатто эҳтиёт қисмлар бўлмаганда ерда ҳам тузатиш мумкин экан. Одамлар эса ҳамма ерда меҳмондўст ва меҳрибон, бизга доим кўмак беришди», — дейди Мария ва Пётр.
Пойга қоидаларига кўра, барча қатнашчилар хайрия учун маблағ тўплади. Пётр ва Мариянинг «Kurpacha Unlimited» жамоаси Москвадаги махсус мактаблардан бирига 61 минг рубль (салкам 1000 доллар) ўтказди.
Изоҳ (0)