Range Rover компанияси Evoque кроссоверининг янги авлодини тақдим этди. Янги автомобиль бир нечта ёрқин детал билан замонавий дизайнга эга бўлган. Бу ҳақда «Корреспондент.net» хабар берди.
Кроссовер Land Rover’нинг Premium Transverse Architecture модуль платформаси асосига қурилган. Автомобиль фақат беш эшикли талқинда тақдим этилади.
Кроссовернинг габарит узунлиги 4371 миллиметрни, эни 1904 миллиметрни, баландлиги эса 1649 миллиметрни ташкил қилади.
Уч ҳамда тўрт цилиндрли Ingenium бензин ва дизель двигателлари автомобилга ўрнатилади. Уларнинг кучи 150, 180 ва 240 от кучига тенг. Дизель талқини учун эса 200, 250 ва 300 от кучли моторлар ўрнатилади.
Автомобиллар Европа бозорига 2019 йилнинг баҳорида чиқарилади. Машинанинг бошланғич нархи 37350 еврони ташкил қилади.
Изоҳ (0)