Ўзбекистон Олий Мажлиси Қонунчилик палатаси спикери Нурдинжон Исмоилов бошчилигидаги парламент делегацияси расмий ташриф билан Қозоғистон республикасида бўлади, деб хабар берди Қонунчилик палатаси матбуот хизмати.
Ташриф дастурига кўра, Олий Мажлис Қонунчилик палатаси спикери Нурдинжон Исмоиловнинг Қозоғистон президенти Нурсултон Назарбоев билан учрашуви режалаштирилган.
Шунингдек, Ўзбекистон делегацияси аъзолари Қозоғистон парламенти мажлиси раиси Нурлан Нигматуллин билан ҳам учрашади.
Мулоқотларда парламентлараро алоқаларни ривожлантириш масалалари муҳокама этилиб, Ўзбекистон Республикаси Олий мажлиси қонунчилик палатаси ҳамда Қозоғистон парламенти мажлиси ўртасидаги ўзаро ҳамкорлик тўғрисидаги бўйича меморандум имзоланиши кутилмоқда.
Бундан ташқари, Олий Мажлис қуйи палатаси аъзоларидан иборат делегация аъзолари Қозоғистон сенатида ҳам бўлиб, сенат раиси Касим-Жомарт Токаев билан учрашади.
Шунингдек, делегация аъзолари Қозоғистон Республикаси биринчи Президенти кунига бағишланган халқаро парламент анжуманида ҳам иштирок этади.
Расмий ташриф доирасида яна бир қатор учрашувлар ўтказилиши кўзда тутилган.
Изоҳ (0)