Охирги пайтларда Ўзбекистонда ноқонуний ташқи рекламалар сони сезиларли даражада ошди. Бу ҳақда Давлат рақобат қўмитаси ҳузуридаги реклама ва истеъмолчилар ҳуқуқларини ҳимоя қилиш бошқармаси бошлиғи Дилшод Азимов маълум қилди, деб ёзади Spot.
Унинг фикрига кўра, «Ташқи реклама фаолиятини тартибга солиш чора-тадбирлари тўғридасида"ги қарор лойиҳаси муҳокамаси бошланиши билан ноқонуний реклама тузилмаларини ўрнатиш бошланди.
Ҳужжатда E-ijro Auksion электрон аукциони орқали ташқи реклама объектларига рекламадан ҳоли ҳудудларни қўшиб, ер участкаларини ажратишни ташкил қилиш таклиф этилган.
«Бу кўплаб мишмишлар ва ноқонуний рекламалар сони ошишига олиб келди. Паспорт эгалари қоидабузарликка йўл қўйиб, реклама тахталарини шошилинч тартибда кенгайтира бошладилар. Ташқи рекламани жойлаштириш тартибига кўра, уч ой давомида ишлатилмаган паспортлар бекор қилинади. Шунга қарамай, бундай ҳужжатлар билан реклама тузилмалари ўрнатилиши давом этди, — деб таъкидлади Дилшод Азимов.
Бундан ташқари, бошқа нормалар ҳам бузилаяпти. Масалан, амалдаги тартибга мувофиқ Тошкентда катта форматли шчитлар билан оралиқ масофа камида 150 метр бўлиши керак. Бу қоидага эса риоя қилинмаяпти.
Қўмита ҳукумат қарори лойиҳасини тайёрлади ва қабул қилиниши билан барча ноқонуний ташқи рекламаларнинг демонтажини бошлайди. Хусусан, чорраҳаларда фақат тўрттадан билборд қолади. Ҳозирда баъзи чорраҳаларда 8−10 та тахталарини учратиш мумкин.
Изоҳ (0)