Наманганда пичоқбозлик оқибатида бир киши ҳалок бўлди (видео)

Ижтимоий тармоқда Наманганда рўй берган пичоқбозлик видеоси тарқалган эди.

«Kun.uz»нинг хабар беришича, ҳодиса Наманган шаҳри «Гўзал» массивидаги «Сиҳатгоҳ» маҳалласида содир бўлган.

27 октябрь куни «Барлос» кафесида можаро чиққан. Можаро жойига келган 24 ёшли йигит, Н.К. можаро иштирокчиларидан бири бўлган Ж.С.нинг юрак соҳасига пичоқ билан зарба берган ва у оғир жароҳат туфайли вафот этган.

Айни вақтда мазкур ҳолат бўйича Наманган шаҳар прокуратураси томонидан Н.К.га нисбатан ЖКнинг 97-моддаси (Қасддан қотиллик) билан жиноят иши қўзғатилиб, вилоят прокуратураси томонидан тергов ҳаракатлари олиб борилмоқда.

Қотил маҳаллий «разборшик» ҳисобланади. Унинг қурбони эса Наманган шаҳридаги «Оромгоҳ» массивида яшаган, 21 ёшда бўлган.

https://www.facebook.com/kunuz.ру/видеос/569145953536754/