Норвегияда Sola TS нефть танкери ва Helge Ingstad ҳарбий кемасининг тўқнашуви оқибатида бир нечта нефть ва газ корхонасининг иши тўхтади. Бу ҳақда «Корреспондент.net» хабар берди.
Таъкидланишича, авария оқибатида Equinor компаниясига тегишли Шимолий денгиз нефтини қабул қилувчи йирик экспорт терминали ёпилган.
Шунингдек, қуввати суткасига 144,5 миллион кубометрни ташкил қиладиган Kollsnes газ заводи номаълум муддатга тўхтаган. Завод газни қайта ишлашдан олинган маҳсулотларни Буюк Британия ва Европа мамлакатларига етказиб беради.
Бундан ташқари, Troll A платформасида, Oseberg ва Grane конларида хом ашё қазиб олиш тўхтатилган.
Изоҳ (0)