Стивен Хокингнинг креслоси аукционда қарийб 400 минг долларга сотилди

Британиялик марҳум физик олим Стивен Хокингнинг ногиронлик аравачаси Лондондаги Christie’s аукционида 300 минг фунт стерлинг (393 минг доллар) эвазига сотилди, деб хабар берди «Корреспондент.net».

Дастлаб Хокинг умрининг асосий қисмини ўтказган моторли аравача 15 минг долларга баҳоланган эди.

Шунингдек, Стивен Хокингнинг 1965 йилдаги докторлик диссертацияси ҳам аукцион савдоларида сотилди. Уни 585 минг фунт (767 минг доллар) эвазига сотиб олишди. Диссертациянинг нархи дастлабки баҳосидан уч баравар ошиб кетди.

Лотлар савдосидан тушган пул Хокингнинг хайрия жамғармаси, шунингдек ҳаракатланиш нейронлари касалликларига қарши курашиш бўйича ассоциациясига берилади.

Маълумот учун, Стивен Хокинг 2018 йилнинг 14 мартида 77 ёшда вафот этди.