Norvegiyada Sola TS neft tankeri va Helge Ingstad harbiy kemasining to‘qnashuvi oqibatida bir nechta neft va gaz korxonasining ishi to‘xtadi. Bu haqda “Korrespondent.net” xabar berdi.
Ta’kidlanishicha, avariya oqibatida Equinor kompaniyasiga tegishli Shimoliy dengiz neftini qabul qiluvchi yirik eksport terminali yopilgan.
Shuningdek, quvvati sutkasiga 144,5 million kubometrni tashkil qiladigan Kollsnes gaz zavodi noma’lum muddatga to‘xtagan. Zavod gazni qayta ishlashdan olingan mahsulotlarni Buyuk Britaniya va Yevropa mamlakatlariga yetkazib beradi.
Bundan tashqari, Troll A platformasida, Oseberg va Grane konlarida xomashyo qazib olish to‘xtatilgan.
Izoh (0)