Ўзбекистонда мамлакатнинг Малайзиядаги элчихонаси билан ҳамкорликда 7—12 ноябрь кунлари илк бор «Нақшбандия сайёҳлик фестивали» бўлиб ўтади. Бу ҳақда ТИВ матбуот хизмати маълум қилди.
Ушбу фестивални Малайзияда жойлашган Жаҳон сўфийлар маркази (World Sufi Center) ташкил қилмоқда. Тадбирдан кўзланган асосий мақсад ўзбекистонлик мутафаккирларнинг ислом цивилизациясига қўшган ҳиссасини эътироф этиш, муқаддас қадамжоларни зиёрат қилишдан иборат.
Фестивальда Нақшбандия тариқатининг Малайзия, Индонезия, Туркия, Буюк Британия, Янги Зеландия, Хитой, Ҳиндистон, Австралия, АҚШ, ЖАР ва бошқа мамлакатлардаги 150 нафардан ошиқ вакили, жумладан, 10 нафардан ортиқ таниқли уламо иштирок этиши кутилмоқда.
Изоҳ (0)