Исроилда Россиядан олмосларнинг йирик контрабандаси ҳақидаги жиноят иши текширилмоқда, деб ёзади Meduza. Унинг доирасида олти киши, шу жумладан, «олмос қироли» деб аталувчи исроиллик ва британиялик бизнесмен Лев Леваевнинг ўғли ва укаси ҳам қўлга олинган.
Улар контрабанда билан бир неча йиллар давомида шуғулланиб келган. Бу вақт ичида улар 300 миллион шекел (81,5 миллион доллар)лик қимматбаҳо тошларни олиб киришга муваффақ бўлган. Жиноят иши иштирокчилари пул ювишда, солиқ ва божхона жиноятларида, жиноий тил бириктиришда, фирибгарликда, ҳужжатларни қалбакилаштиришда айбланмоқда.
Улар март охирида ҳуқуқ-тартибот органлари назарига тушган. Бунгача, 2017 йилда Тель-Авив аэропортида LLD Diamonds (Лев Леваевнинг олмос лойиҳаларини бошқаради) компанияси ходимини кўриб қолишган, у репатриация доирасида олти йил аввал Исроилга қайтган эди. Унинг юкидан олмосларни топишган, у терговга ёрдам беришга рози бўлиб, жиноий схема ҳақида гапириб берган. Қазиб чиқариш билан Россияда шуғулланишган, сўнг олмосларни мамлакатга киритиб, шундан кейин Исроилга йўналтиришган.
Беш гумонланувчи LLD Diamonds’нинг Россия ва Исроилдаги бўлинмалари ходимларидир. Яна бир киши 2011 йилдан компания топ-менежери бўлиб ишлаб келган.
Бизнесменнинг ўзи матбуот хизмати орқали олмослар контрабандаси алоқадор эмаслигини маълум қилди.
Изоҳ (0)