АҚШ президенти Дональд Трамп расмий Теҳрон билан янги ядровий келишувни имзолашга тайёр эканини маълум қилди. Бу ҳақда «Коммерсантъ» хабар бермоқда.
Трампнинг баёнотида қайд этилишича, АҚШ Эроннинг ядровий қуролга эга чиқиш йўлларини буткул ёпадиган ва «Эрон халқига муносиб» янги шартнома имзолаш учун ҳар доим очиқ.
АҚШ президентининг сўзларига кўра, расмий Вашингтон Теҳронга нисбатан такроран жорий этадиган санкциялар янги шартнома имзоланмагунига қадар амалда бўлади.
«Бизнинг мақсадимиз Эрондаги ҳукмрон тузумни аниқ танловни амалга оширишга мажбур қилишга қаратилган: улар ё ўзларининг бузғунчи ҳаракатларидан воз кечишади, ёки иқтисодий ҳалокат томон йўлларини давом эттиришади», — деди Трамп.
Теҳронга нисбатан 5 ноябрдан жорий этиладиган янги чораларни куни кеча АҚШ давлат котиби Майкл Помпео эълон қилди. АҚШ ўз қора рўйхатига 700 та банд қўшади, шунингдек, Эрон нефтига нисбатан эмбарго киритади.
Изоҳ (0)