АҚШнинг Питтсбург шаҳридаги синагогда 11 кишини ўлдирганликда айбланаётган Роберт Боуэрс 1 ноябрь куни судда ўз айбига иқрор бўлмаслигини маълум қилди, деб ёзади «Интерфакс».
Судьянинг у ўзига қарши илгари сурилган айбловларни тушуниш-тушунмаслиги ҳақидаги саволига Боуэрс тасдиқ жавобини берди, аммо ўзини айбдор деб тан олмади.
Аввалроқ 46 ёшли Боуэрсга нисбатан 44 та банд бўйича айбловлар илгари сурилган эди. Прокуратурада унга ўлим жазоси берилишига эришиш ниятида эканликларини маълум қилишди.
Питтсбургдаги синагогга ҳужум маҳаллий вақт билан 27 октябрь куни тонгда, ибодатхонага ташрифчилар йиғилаётган вақтда юз берган. Ўқотар бино ичига кириб, яҳудийларга қарши қаратилган гап-сўзларни айтган ва ўқ узишни бошлаган. Воқеа жойига полиция етиб келганидан сўнг, отишма бошланган.
Отишма оқибатида 11 киши ҳалок бўлган, яна олти киши, хусусан, тўрт полициячи яраланган. Ҳужум қилган шахс — 48 ёшли Роб Боуэрснинг ўзи кейинроқ полицияга таслим бўлган; у ярадор ҳолида касалхонага ётқизилган. Америка ОАВлари Боуэрснинг ижтимоий тармоқлардаги саҳифаларига асосланиб ёзишича, у нацистлар ва Адольф Гитлер тарафдори.
Изоҳ (0)