Сентябрь ойининг ўрталарида Тошкент шаҳри Чилонзор тумани Қатортол кўчасида автойўл остидаги иссиқ сув қувури ёрилиб, ташқарига отилиб чиқиши оқибатида Spark ва Matiz автомобиллари зарар кўрган эди.
«Газета.uz»нинг ёзишича, ушбу автомобиллар эгаларига 17,882 миллион сўм компенсация пули тўлаб берилган.
Тошкентдаги бундай қувурлар «Тошиссиққуввати» корхонасига тегишли, ўшанда корхона вакиллари авто эгаларига зарарни қоплаб беришларини айтганди.
Нашрнинг аниқлашича, иссиқлик таъминоти корхонасининг фуқаролик жавобгарлиги Gross Insurance компанияси томонидан суғурталанган бўлган. Яъни, «Тошиссиққуввати» объектларидан фойдаланиш вақтида учинчи шахслар зарар кўрса, уларга етказилган зиённи суғурта компанияси тўлаб беради — шундай қилиб, Spark ва Matiz эгаларига жами 17,8 миллион сўм компенсация тўланган.
Изоҳ (0)