Ер тузиш, ердан оқилона ва самарали фойдаланишда ахборот коммуникация, геоахборот тизимлари гео-вебпортал яратиш ва Ерни масофадан зондлаш материалларидан фойдаланиш масалалари бўйича Беларуснинг «Белгипрозем» лойиҳалаш институти ва Тожикистоннинг «Тожикзаминсоз» лойиҳалаш институти делегациялари жорий йилнинг 24—27 октябрь кунлари «Давергеодезкадастр» қўмитасига ташриф буюрди, дея «Дарё»га хабар берди қўмита матбуот хизмати.
Делегация азоларини «Давергеодезкадкастр» қўмитаси раиси А.Х. Абдуллаев қабул қилиб, бугунги кунда қўмита тизимида ер тузиш, геодезия, картография ва кадастр соҳасида олиб борилаётган ишлар тўғрисида сўз юритди, бу борада ўрнатиладиган ҳамкорлигимиз уч томонлама соҳа ривожланишига хизмат қилишини билдирди. Сўнги илм-фан ютуқларига асосланган ҳолда, мутахассисларни малакасини ошириш, «Масофадан ўқитиш» тизимини йўлга қўйиш муҳимлигини такидлаб, ер-геопарталини яратишда ўзаро ҳамкорлик қилиш мақсадга мувофиқлигини алоҳида таъкидлаб ўтди. Шунингдек, «Давергеодезкадкастр» қўмитаси раиси ўринбосари М.И.Рузметов Ўзбекистонда ер ресурсларидан фойдаланишда ахборот коммуникация ва геоахборот тизимлари ҳамда Ерни масофадан зондлаш материалларидан фойдаланишнинг истиқболли имкониятлари тўғрисида тўхталиб, Мустақил Давлатлар Ҳамдўстлиги (МДҲ) доирасида ер соҳасида ўзаро фикр алмашиш, тажрибалар билан ўртоқлашиш, ўзаро иш алмашишни ташкил этиш мақсадида МДҲнинг «Геодезия, картография, кадастр ва Ерни масофадан зондлаш Давлатлараро кенгаши» қошида «Ер тузиш ва ер кадастри» ишчи гуруҳини ташқил қилиш бўйича таклиф берди.
Учрашув қатнашчилари, ўз навбатида Беларусь ва Тожикистон Республикаларида ер тузиш, ер кадастри, қишлоқ хўжалик ерларини кадастр баҳолаш соҳасида олиб борилаётган ишлари юзасидан ўртоқлашди. Жумладан, «Тожикзаминсоз» давлат ер тузиш лойиҳа институти раҳбарининг «Тожикистон Республикасида Ўзбекистоннинг тупроқшунослик, геоботаник тадқиқотлар ўтказишда учувчисиз учар аппаратлардан фойдаланиш тажрибалари билан ўртоқлашиш» борасида таклиф билдирди.
Беларусь Республикаси «Белгипрозем» унитар корхонаси томонидан яратилган «Гео-вебпортал», веб портал муаллифи Н.П.Бобер томонидан таништирилди ва учрашув қатнашчиларда кенг қизиқиш уйғотди.
Делегация иштирокчилари Самарқанд ва Қашқадарё вилоятларида бўлиб, Ер соҳасида олиб борилаётган ер тузиш ва илмий лойиҳалаш ишлари билан яқиндан танишишди. Қилинаётган ишлар халқаро меъёр талаблари бўйича илмий асосланган ҳолда олиб борилаётгани таъкидланди.
Учрашув якунида, Ер тузиш, ердан самарали ва оқилона фойдаланиш, ер кадастри, тупроқшунослик, геоботаник тадқиқотлар ўтказиш, қишлоқ хўжалик ерларини кадастр баҳолаш, геоахборот тизими технологиялари ва Ерни масофадан зондлаш материалларидан фойдаланиш соҳаларида ўзаро ҳамкорликни ривожлантириш ва дўстона алоқаларни мустаҳкамлаш, МДҲнинг «Геодезия, картография, кадастр ва Ерни масофадан зондлаш Давлатлараро кенгаши» қошида «Ер тузиш ва ер кадастри» ишчи гуруҳини ташқил қилиш, жумладан ходимларни малакасини ошириш борасида «Масофадан ўқитиш» тизимини йўлга қўйиш бўйича «Ўздаверлойиҳа» давлат илмий лойиҳалаш институти бош директори Р.А.Тўраев, «Белгипрозем» унитар корхонаси директори В.В. Шалипин ва «Тожикзаминсоз» лойиҳа институти директори Ш.Ж. Жўразода томонидан уч томонлама меморандум имзоланди.
Бўлиб ўтган уч томонлама учрашув Ер соҳасини илмий ва амалий томондан ривожланишига халқаро ҳамкорликнинг дастлабки қадами ҳисобланади.
Изоҳ (0)