Yer tuzish, yerdan oqilona va samarali foydalanishda axborot kommunikatsiya, geoaxborot tizimlari geo-vebportal yaratish va Yerni masofadan zondlash materiallaridan foydalanish masalalari bo‘yicha Belarusning “Belgiprozem” loyihalash instituti va Tojikistonning “Tojikzaminsoz” loyihalash instituti delegatsiyalari joriy yilning 24—27-oktabr kunlari “Davyergeodezkadastr” qo‘mitasiga tashrif buyurdi, deya “Daryo”ga xabar berdi qo‘mita matbuot xizmati.
Delegatsiya azolarini “Davyergeodezkadkastr” qo‘mitasi raisi A.X. Abdullayev qabul qilib, bugungi kunda qo‘mita tizimida yer tuzish, geodeziya, kartografiya va kadastr sohasida olib borilayotgan ishlar to‘g‘risida so‘z yuritdi, bu borada o‘rnatiladigan hamkorligimiz uch tomonlama soha rivojlanishiga xizmat qilishini bildirdi. So‘ngi ilm-fan yutuqlariga asoslangan holda, mutaxassislarni malakasini oshirish, “Masofadan o‘qitish” tizimini yo‘lga qo‘yish muhimligini takidlab, yer-geopartalini yaratishda o‘zaro hamkorlik qilish maqsadga muvofiqligini alohida ta’kidlab o‘tdi. Shuningdek, “Davyergeodezkadkastr” qo‘mitasi raisi o‘rinbosari M.I.Ruzmetov O‘zbekistonda yer resurslaridan foydalanishda axborot kommunikatsiya va geoaxborot tizimlari hamda Yerni masofadan zondlash materiallaridan foydalanishning istiqbolli imkoniyatlari to‘g‘risida to‘xtalib, Mustaqil Davlatlar Hamdo‘stligi (MDH) doirasida yer sohasida o‘zaro fikr almashish, tajribalar bilan o‘rtoqlashish, o‘zaro ish almashishni tashkil etish maqsadida MDHning “Geodeziya, kartografiya, kadastr va Yerni masofadan zondlash Davlatlararo kengashi” qoshida “Yer tuzish va yer kadastri” ishchi guruhini tashqil qilish bo‘yicha taklif berdi.
Uchrashuv qatnashchilari, o‘z navbatida Belarus va Tojikiston Respublikalarida yer tuzish, yer kadastri, qishloq xo‘jalik yerlarini kadastr baholash sohasida olib borilayotgan ishlari yuzasidan o‘rtoqlashdi. Jumladan, “Tojikzaminsoz” davlat yer tuzish loyiha instituti rahbarining “Tojikiston Respublikasida O‘zbekistonning tuproqshunoslik, geobotanik tadqiqotlar o‘tkazishda uchuvchisiz uchar apparatlardan foydalanish tajribalari bilan o‘rtoqlashish” borasida taklif bildirdi.
Belarus Respublikasi “Belgiprozem” unitar korxonasi tomonidan yaratilgan “Geo-vebportal”, veb portal muallifi N.P.Bober tomonidan tanishtirildi va uchrashuv qatnashchilarda keng qiziqish uyg‘otdi.
Delegatsiya ishtirokchilari Samarqand va Qashqadaryo viloyatlarida bo‘lib, Yer sohasida olib borilayotgan yer tuzish va ilmiy loyihalash ishlari bilan yaqindan tanishishdi. Qilinayotgan ishlar xalqaro me’yor talablari bo‘yicha ilmiy asoslangan holda olib borilayotgani ta’kidlandi.
Uchrashuv yakunida, Yer tuzish, yerdan samarali va oqilona foydalanish, yer kadastri, tuproqshunoslik, geobotanik tadqiqotlar o‘tkazish, qishloq xo‘jalik yerlarini kadastr baholash, geoaxborot tizimi texnologiyalari va Yerni masofadan zondlash materiallaridan foydalanish sohalarida o‘zaro hamkorlikni rivojlantirish va do‘stona aloqalarni mustahkamlash, MDHning “Geodeziya, kartografiya, kadastr va Yerni masofadan zondlash Davlatlararo kengashi” qoshida “Yer tuzish va yer kadastri” ishchi guruhini tashqil qilish, jumladan xodimlarni malakasini oshirish borasida “Masofadan o‘qitish” tizimini yo‘lga qo‘yish bo‘yicha “O‘zdavyerloyiha” davlat ilmiy loyihalash instituti bosh direktori R.A.To‘rayev, “Belgiprozem” unitar korxonasi direktori V.V. Shalipin va “Tojikzaminsoz” loyiha instituti direktori Sh.J. Jo‘razoda tomonidan uch tomonlama memorandum imzolandi.
Bo‘lib o‘tgan uch tomonlama uchrashuv Yer sohasini ilmiy va amaliy tomondan rivojlanishiga xalqaro hamkorlikning dastlabki qadami hisoblanadi.
Izoh (0)