Жорий йилнинг 9 февраль куни Ўзбекистон Президенти Шавкат Мирзиёев ташаббуси билан янги мажмуа қуриш ва унга шайх Муҳаммад Содиқ Муҳаммад Юсуф номини берилиши ҳақида хабар берилган эди.
Facebook’даги «Халқ билан мулоқот» гуруҳида қайд этилишича, бугун мажмуада қурилиш ишлари жадаллик билан давом этмоқда.
Пойтахтнинг Чилонзор туманида барпо этилаётган ҳамда фазилатли шайх Муҳаммад Содиқ Муҳаммад Юсуф номи бериладиган мажмуанинг қурилиши, унинг кўриниши кўпчиликни қизиқтириши табиий.
Лойиҳага кўра, мажмуа ҳудуди намозхона, аёллар намозхонаси, таҳорат хоналари, минора, 3 та кириш пештоқи, «Сўгалли Ота» мақбараси, анжуманлар саройи, ташқи ва ички фавворалар, масжид ва унинг саҳни, автоуловлар учун тўхташ жойи ва ҳ.к.лардан иборат эди.
Қарийб саккиз ойдан буён лойиҳа амалдаги ўз тасдиғини топмоқда. Яқинда мажмуа масжидининг бош гумбази қад ростлади ва унга ҳилол ўрнатилди. Ундан ташқари, аёллар намозхонаси, таҳорат хоналари, 2 та минора, ташқи ва ички фавворалар, масжид саҳнининг қурилиши режали асосда олиб борилмоқда. Бунда, уста-қурувчиларнинг фидокорлиги, ғайрат-у шижоат билан меҳнат қилаётганлари, албатта таҳсинга сазовор», — дейилади хабарда.
Шунингдек, мажмуа ёнидан музей ҳам қад ростламоқда. У ерда шайх ҳазратларининг умр йўлига оид қимматли маълумотлар, уларнинг илмий меросини жамлаш режалаштирилган.
Ҳудудда ўзгача чирой бахш этувчи умумий майдони 591,4 метр квадратни ташкил этувчи ва 200 ўринга мўлжалланган анжуманлар саройи бунёд этилади.
Изоҳ (0)