Дубайнинг Шаржа шаҳрида ҳиндистонлик дўкон сотувчисини аёл кишининг оёғини ўпишга мажбурлашди, деб хабар беради UAE Inside.
Ҳиндистонлик фуқарога номаълум шахс қўнғироқ қилиб, ўзини полициячи деб таништирган ва унга Наиф метро бекатида учрашишни таклиф қилган.
Ҳиндистонлик фуқаро ўз дўстини олиб, айтилган жойга етиб боради. Улар етиб келганида ўзини полициячи деб таништирган шахс ҳиндистонликнинг қўлини қайириб, машинага ўтқазган ҳамда уни шаҳар ташқарисига олиб кетган. Машинага покистонлик қиз ҳам ўтирган ва «полициячи» ҳиндистонликдан қиздан узр сўрашни ва унинг оёғини ўпишни талаб қилган. Шундан сўнг ҳиндистонликни қайтариб Шаржа шаҳрига олиб келишган, у шу ердан полицияга қўнғироқ қилган.
Ҳолат бўйича 27 ёшли Покистон фуқароси қўлга олинган. У суднинг биринчи мажлисида ўзини айбсиз деб ҳисоблашини маълум қилган.
«Мен уни ўғирлаб кетмадим. Ўзимни полициячи деб таништирганим ҳам йўқ. Мен дўкон ишчисига қўнғироқ қилиб, метро бекатида учрашишни сўрадим, холос», — дейди айбланувчи.
Хабарда дўкон ишчиси, гумонланувчи ва аёл ўртасида қандай муносабат борлиги ҳақида маълумот келтирилмаган.
Изоҳ (0)