Челябинск вилоят суди ўғлининг ўлимида айбланаётган ўзбекистонлик Баҳром Дадахановни қамоқ жазосига ҳукм қилди. Бу ҳақда Sputnik хабар бермоқда.
У 2017 йил 19 март куни бирга яшовчи аёли билан можародан сўнг ўзини ва оиласини ўлдирмоқчи бўлганади. Ўзи ва аёлига, шунингдек, уйнинг ярми ва мебелга бензин сепиб, ўт қўяди.
Юзага келган ёнғин туфайли Дадаханов ва аёл уйдан қочиб чиқиб, кийимларига илашган оловни ўчиради. Уларнинг 4 яшар ўғли эса аланга қоплаган уйдан чиқа олмай, ис газидан заҳарланиб ўлади.
Тергов давомида айбланувчи уйга номаълум шахслар ўт қўйганини даъво қилган ва аёлини ҳам шундай кўрсатма беришга ундагани таъкидланмоқда.
Баҳром Дадаханов қаттиқ тартибли колонияда 19 йиллик қамоқ жазосини ўтайдиган бўлди.
Изоҳ (0)