Истанбулда янги аэропорт очилди. У жаҳондаги энг катта аэропортга айланади ва йилига 200 млн йўловчини қабул қилади

Истанбулда янги аэропорт очилиши бўлиб ўтди. Meduza’нинг хабар беришича, ушбу ҳаво бандаргоҳи яқин йиллар ичида йўловчи оқими бўйича жаҳонда биринчи ўринга чиқади.

Туркия президенти Ражаб Тоййиб Эрдўғоннинг сўзларига кўра, аэропот биринчи босқичда йилига 90 миллион нафаргача йўловчига хизмат кўрсата олади, 2023 йилга бориб — қурилишнинг барча босқичлари якунига етгач — ушбу рақам йилига 200 миллион йўловчигача кўпаяди.

Янги аэропортдан илк тижорий рейс 31 октябрь куни амалга оширилиши кутилмоқда.

World leaders to attend opening of #istanbul airport https://t.co/fzzfzgL3RO #istanbulnewairport pic.twitter.com/wweZUz7ndL

— Anadolu English (@anadoluagency) October 28, 2018

Кўп йиллардан бери АҚШнинг Атланта шаҳридаги Харцфилд-Жексон халқаро аэропорти йўловчи оқими бўйича жаҳонда етакчи ҳисобланади. 2017 йили ушбу аэропорт 103 миллион йўловчини қабул қилган.

Истанбулнинг амалдаги Отатурк номли аэропорти жаҳоннинг энг йирик йигирмата ҳаво бандаргоҳидан бири ҳисобланади (2017 йили 63 миллион йўловчига хизмат кўрсатган). Рейслар янги аэропортга кўчирилгач, эски аэропорт ёпилади ва унинг ўрнида парк қурилади.