АҚШ ўрта ва кичик узоқликдаги ракеталарни йўқ қилиш ҳақидаги келишувдан чиққан тақдирда, Европа Иттифоқи мамлакатлари ўз ҳудудида бундай қуролларни жойлаштиришдан воз кечиши керак, акс ҳолда бу ҳалокат таҳдидини юзага келтиради. Бундестагнинг мудофаа бўйича қўмитаси аъзоси Александр Ной шундай фикрда, деб ёзмоқда «РИА Новости».
Германия парламенти вакилининг сўзларига кўра, Европа Иттифоқи доирасида Иттифоқнинг бирорта ҳам аъзо давлати бу ракеталарни жойлаштириши керак эмаслиги ҳақида баёнот қилиниши зарур. Агар европаликлар, барча Европа давлатлари бу масалада бир бўлиб ҳаракат қилса, мазкур ракета тизимлари Европа ҳудудида пайдо бўлмайди.
Шу билан бирга, у Европада ва НАТОда бу масала бўйича енгил ёндашув бўлишини қайд этган.
Нойнинг фикрича, агар Европада, Германияда бу ракеталарни қайтадан жойлаштириш бошланса, бу барча учун ҳалокат ва мағлубият бўлиши мумкин. Айнан шунинг учун Европа мамлакатлари Москва ва Вашингтон ўртасидаги келишмовчиликни ҳал қилиш устида ишлаши керак.
Изоҳ (0)