Ижтимоий-иқтисодий муаммоларини ўрганиш тадбирлари давомида Навоий вилоятида Фавқулодда вазиятлар бошқармаси ходимлари томонидан ижтимоий ҳимояга муҳтож оиланинг хонадони таъмирлаб берилди. Бу ҳақда Навоий вилояти Фавқулодда вазиятлар бошқармаси «Дарё»га хабар берди.
Ўзбекистон Республикаси Президенти Админстрациясининг 2018 йил 15 августдаги 04-2001-сонли топшириғи асосида шаклантирилган Республика ишчи гуруҳи томонидан уйма-уй юриш жараёнида аниқланган Навбаҳор тумани Пахтакор маҳалласида яшовчи ижтимоий ҳимояга муҳтож, ёлғиз она Ҳамроева Замиранинг қурилиши чала қолган хонадони Навоий вилояти Фавқулодда вазиятлар бошқармаси ходимлари томонидан ҳашар йўли билан таъмирлаб берилди.
Хонадонда яшаш шароити мавжуд бўлмаганлиги сабабли З.Ҳамроева ёлғиз фарзанди билан 7 йилдан буён ижарада яшаб келган ва уйини таъмирлашда тегишли ташкилотларга ёрдам сўраб қилган мурожаатлари эса эътибордан четда қолиб келган. Жами 6 сотихга эга ушбу хонадон 14 кунлик қисқа муддатда тўлиқ таъмирланиб уйи шифер қилинди, атрофи девор билан ўралди, пол-паталок қилиниди ва замонавий эшик-дераза ҳамда дарвоза ўрнатилди. Уй табиий газ ва электр энергиясига уланди, иссиқхона қуриш учун жой ҳам тайёрланди, ободонлаштириш ишлари тўлиқ якунига етказилди.
Изоҳ (0)