Алкоголь ичимликларни ичиш қонун билан тақиқланган Эронда 24 киши алкоголь ичимликлардан заҳарланиб, вафот этди. Бу ҳақда «РИА Новости» хабар бермоқда.
Хабар беришларича, алкоголь ичимликдан зааҳарланиш ҳолатлари Эроннинг Куҳгилуя ва Буйир-Аҳмад, Шимолий Хуросон, Ҳурмузгон ва Алборс вилоятларида қайд этилган.
«290 киши заҳарланган, 24 киши ҳалок бўлган, яна уч кишининг мияси ўлган», — деди Эрон тез тиббий ёрдам хизмати раҳбари Пир Ҳусайн Қуливанд.
Унинг қайд этишича, 217 киши касалхонага ётқизилган бўлиб, 15 киши интенсив терапия бўлимида даволанмоқда. Қолганларга тиббий ёрдам кўрсатилганидан сўнг, уйларига рухсат берилган.
Изоҳ (0)